<?xml version="1.0" encoding="UTF-8"?><song><hymn_number>5130</hymn_number>
<lyrics>[V1]
 1- (بالحكمة إنت وحدك .. ماسك زمام الأمر
 كل الخيوط في يدك .. وأمين بطول العمر)2
 (ليك الكلمة الأخيرة .. مهما قالوا فكلام
 عالي وإيدك قديرة .. قلبك مليان حنان)2
 2- (صالح إنت ومحسن .. صالح بطول العمر
 وفي سترك إنت نسكن .. مهما السنين بتمر)2
 (مهما الظروف تعاند .. وإن مرت الأزمات
 تفضل بتقود وساند .. في أصعب الأوقات)2
 3- (ما بتدي إلا الخير .. مهما المشهد ظلام
 كله بأمرك يصير .. دي وعودك مش كلام)2
 (تفاصيل العمر عندك .. حاسبها بالإتقان
 وحياتي هي ملكك .. حبك أفضل ضمان)2
 4- (إديني عينين تشوفك .. وتصدق بالإيمان
 دا مافيش أمر يفوتك .. وفي إيدك السلطان)2
 (يا حبيبي ساعدني أشكر .. أسلم واستريح
 واخضع لك ربي واصبر .. إنت حكمك صحيح)2
 5- (يتبعني خير ورحمة .. دايمًا وفي كل يوم
 إكليل إحسان ورأفة .. فوقي دايمًا يدوم)2
 (وانا تايه بتراقبني .. وبترثي لكل ضعفي
 تشفع لي وتعالجني .. وبنعمة ترد نفسي)2</lyrics>
<title>بالحكمة إنت وحدك</title>
<author>باسم رشدى, بهجت عدلي</author>
</song>